Makita sa video nga makapila ka beses nga ginbusinahan sang fire truck ang isa ka motorista sa dalan Araneta, Bacolod City.
Yara sa inner lane ang motorista kag nagasunod sa iya ang fire truck nga maga-responde kuntani sa isa ka sunog sa Barangay Alijis, Bacolod City.
Magluwas nga naga-andar ang siren kag warning lights sang fire truck, nagabusina pa gid ang driver sini.
Pila pa ka segundos ang nag-agi sang nakit-an sang driver ka motor ang firetruck kag nagpahigad siya.
Bangud sang insidente, liwat nga nagpahanumdom ang Bacolod City Fire Station sa mga motorista nga mag-give way sa mga emergency vehicles, lakip na ang mga fire trucks.
Suno kay Fire Inspector Jemarie Taripu, deputy fire marshal sang Bacolod BFP, nakabutang sa Republic Act 4136 nga dapat hatagan sang right of way ang mga emergency vehicles bangud ang kada segundo, importante sa tion sang emerhensiya.*