Namutikan sang Task Force Disiplina nga madamo nga mga menor de edad sa mga kabarangayan sa Bacolod City nga wala nagasunod sang minimum health protocol.
Naglibot kahapon sa Barangay 3, 2, 1, Banago kag Bata ang task force kag ila namutikan nga may madamo nga mga pumuluyo nga nagalambiyong nga indi sakto ang pagsuksuk sang ila nga face mask kag face shield.
May nakit-an man sila nga mga menor de edad nga wala nagasuksuk sa face mask.
Nagalibug karon ang ila ulo kun ano ang himuon bangud indi man nila ma isyuhan sang citation ticket ang mga menor de edad bangud protektado sila sa idalum sang kasuguan.
Gani nagapanawagan sila sa mga punong barangay nga pabuligon ang mga tanod sa pagbantay kag pagsaway sa mga wala nagasunod sa minimum health protocols.
Ginapatuman sang task force disiplina ang ordinansa sang siudad nga nagamando sang pagsuksuk sang face mask, face shield kag pagsunod sang physical distancing sa mga pampubliko nga lugar.