Gina discourage sang Comelec-Bacolod ang pagpulaw bisan sang mga kabataan nga voter applicants para lang makapila sa satellite registration sa mall.
Suno kay Atty. Kathrina Trinio Caña, indi sila makapatuman sang dugang nga sattellite registration bisan sa mga kabarangayan bangud man sang availability sang equipment nga authorized sang Comelec.
May masobra na sais mil ka voter applicants ang na accomodate sang Comelec humalin sang nagsugod ang registration para sa Barangay kag Sangguniang Kabataan elections sang Hulyo 4.
Dos mil kwatro shientos na diri mga kabataan nga naga edad 15-17 year old.
Namutikan man sang Comelec nga madamo sa mga menor de edad ang ginahakot sang mga naga serbe guarantor para mag transfer sang boto sa lain nga barangay.
Humalin sang nagsugod ang voters registration masami man makit an sa gwa sang registration area ang pila ka mga indibidwal nga nagahulat agud managtag sang food packs sa mga naga pa rehistro.
Sa Hulyo 23 na ang deadline sang Comelec voters registration nga naga padayon sa karon sa Robinsons Place Bacolod.