Nakigsapul na si Punong Barangay Caesar Distrito sa kapulisan may kaangtanan sa pagpangusisa sa natabo nga pagpangguba sang siyam ka tourism lights kag concrete benches sa Arnaldo St., Brgy. Singcang-Airport, Bacolod City.
Sa Facebook post ni Distrito, nakigkita siya sa Police Station 8 upod sa Women and Children’s Protection Desk (WCPD) kaupod ang mga saksi sa insidente nga natabo Martes sang gab-i.
Suno sa punong barangay, VAWC Officer ang naga usisa sa natabo bangud ang ginatudlo nga mga suspek, mga menor de edad.
Samtang naga patigayon na karon sang pagpatrolya ang mga tanod sang barangay kag ginpang sita ang mga kabataan nga yara pa sa dalanon pasado las diyes sang gab-i.
Martes sang gab-i sang nadiskubrehan nga buka na ang siyam tanan ka mga tourism lights kag ginpang tumba ang mga semento nga bench sa bag-ong dalan ukon Arnaldo Street.