Shadow

Mga mayor sa Western Visayas magapain sang pondo para sa genome center sa Rehiyon 6

Isolated karon ang may 70 pa ka Covid-19 active cases sa Bacolod nga natalupangdan may manubo nga cycle threshold base sa resulta sang ila RT-PCR test.

Bu-ot silingon, gina kinahanglan nga ipadala sa Philippine Genome Center ang ila swab specimen para sa genomic surveillance testing kay may posibilidad nga lain ini nga variant sang Covid-19.

Ugaling nagalawig tubtob sa apat ka semana antes pa man mabaton sang Emergency Operation Center ang resulta sang test bangud tanan nga local government unit ang nagapadala sang swab samples sa Genome Center.

Gani luyag sang mga local chief executive nga kun tani may yara man sang Genome Center sa Western Visayas para mapadasig ang pag gwa sang resulta sang genomic surveillance testing.

Sa meeting upod sa katapo ang Inter-Agency Task Force, ginsiling ni ang nga si Mayor Evelio Leonardia ang nagpasalig nga maghatag sang dugang nga pondo upod man sa mga local chief executive kag provincial officials para sa operation sang natukod nga genome center sa Miag-ao.

May kapin sa dies milyones pesos ang ginakinahanglan para operation sang genome center nga ginalauman sarang makahatag giya sa mga local government unit sa paghimu sang tikang, ilabi na batuk sa mga Covid-19 variants of concern nga na detect sa pila ka mga lugar sa rehiyon.

Sang hulyo, may 166 ka mga swab specimen nga ginpadala ang EOC sa genome center kun diin apat ang natukiban nga nalatnan sang Covid-19 Delta variant.

Leave a Reply

Your email address will not be published. Required fields are marked *

Secured By miniOrangeSecured By miniOrange