Site icon Digicast Negros

Mga light vehicles required na liwat nga mag agi sa Private Motor Vehicle Inspection Center

YouTube player

Indi kasubong sang nagligad nga binulan, matawhay kay malaka lang ang mga salakyan nga nagapa-inspection kag naga-agi sa emission testing sang pribado nga Motor Vehicle Inspection Center sa Reclamation Area.

Ini bisan pa nga liwat nga ginbalik sang Land Transportation Office ang pagpatuman sang motor vehicle inspection and registration sa mga authorized private motor vehicle inspection center
sumugod sang Lunes.

Suno kay Reuben Tampos, pamuno sang LTO-Bacolod, kutob sa mga light vehicles kasubong sang mga pribado nga salakyan, taxi, jeep kag motorsiklo ang maga-agi na sa PMVIC.

Mangin optional naman ini para sa mga heavy duty vehicle, mga truck kag tricycle.

Handa naman magsunod ang mga drayber sang taxi nga sanday Angelitto Basanta kag Junji Gonzaga sa mangin panibag-o nga patakaran sang LTO.

Pero nagalaum sila nga matagaan solusyon ang delay kag pag gintunok sa PMVIC nga naga-isahanon pa lang nga naga-operate sa probinsya.

Ginalauman naman sang katapo sang transport group nga kuntani indi ma monopolize ang operation sang PMVIC agud man indi matam-an ang kadam-an sa mga drayber kag operator karon nga naga saka ang presyo sang produkto petrolyo kag may pandemic.

Nagapanindugan ang pamunuan sang lto nga ginakinahanglan ang pagpatuman sang land transporation management system agud man mapasiguro ang road worthiness sang salakyan nga para man malikawan ang posible pagluntad sang aksidente sa dalanon.

Ginapaabot sang LTO nga sa pagtukod sang dugang pa nga PMVIC sa Bacolod kag sa iban pa nga mga lugar sa probinsya, mangin fully automated naman ang vehicle registration sa madasun nga tuig.

Exit mobile version
Skip to toolbar