Shadow

LTO Bacolod naga panindugan nga wala may nabaton nga memo nga untaton ang pagpaagi sa mga light vehicle sa MVIC

Sa kilid sang dalan Gatuslao nagtipon ang mga drayber sang jeep kag tricycle para sa ginpangunahan nga transport caravan sang UNDOC kaina sang aga.

Kabahin sa mga panawagan sang grupo ang pagkakas sang dugang nga buwis sa mga oil company nga naga-resulta man suno sa ila sa padayon nga pagsaka sang presyo sang produkto petrolyo.

Kadungan diri ang paghinyo nila sang dugang nga ayuda kag fare increase agud man makatibawas ang ila pamilya sa epekto sang pandemya.

Nagalaum man sila nga kuntani indi ma monopolize sang mga private motor vehicle inspection center ang pagpatuman sang Land Transportation Office sang Land Transportation Management System.

Sa press release nga ginpa gwa sang LTOcentral office sa Manila, ginsiling ni Assistant Secretary Edgar Galvante nga nagapabilin nga suspended ang mandatory vehicle inspection sa mga PMVIC kag mangin optional lamang ini sa mga tag-iya kag operator sang salakyan.

Ginklaro niya man nga ang mandatory vehicle inspection lamang ang suspended kag indi ang operation sang mga PMVIC.

Ginpahayag man LTO Bacolod Reuben Tampos nga sa idalom sang bag-o nga Land Transportation Management System, kutob lamang sa mga light vehicles, mga jeep, awto, motorsiklo kag iban pa ang sarang nila

Batunon kun ini ang nag-agi sa mga PMVIC nga naga-isahanon pa lang nga naga-operation sa Reclamation Area.

Buot silingon, ang mga salakyan nga nagpa emission sa mga private emission testing center ang pwede lamang maka pa rehistro sa iban pa LTO districts sa probinsya nga wala pa sang LTMS kag wala sang PMVIC.

Maka-accomodate man ang lto bacolod sang mga vehicle registration application sang mga tricycle kag mga heavy duty vehicle kasubong sang truck.

Mentras wala pa sang panibag-o nga memorandum nga nabaton ang LTO local office gikan sa lto regional office magapabilin ang ila full implementation sang LTMS. Ini sa tuyo man nga magapasiguro ang road worthiness sang mga nagabyahe nga salakyan para man mapahagan hagan ang posible pagluntad sang aksidente sa dalanon.

Leave a Reply

Your email address will not be published. Required fields are marked *

Secured By miniOrangeSecured By miniOrange