![](https://i0.wp.com/digicastnegros.com/wp-content/uploads/2024/02/image-386.png?resize=716%2C403&ssl=1)
Nangabay ang pamunuan sang Diocese of Bacolod sa konseho sang Bacolod para kuntani liwat nga maka-operate ang mga kiosko sa kilid sang Bacolod Public Plaza para sa Summer Trade Fair sang simbahan sa Marso 15 tubtob Mayo 15.
Pero sandig man sa pasalig ni Mayor Albee Benitez nga indi na pagbaligyaan ang plaza, indi niya pagtugutan ang hinyo sang simbahan.
Ginsiling sang alkalde nga nakasugilanon na sila ni Bishop Patricio Buzon tuhoy diri kag nagpasalig man siya nga kun mahimo pangitaan sang lugar ang simbahan para sa natalana nga trade fair.
Nahangpan sang alkalde nga ang pagpatigayon sang kasubong nga trade fair ang pamaagi sang simbahan para mapondohan ang kinahanglanon sang mga nagretiro na nga kaparian nga ila gina atipan sa Domus Dei sa Silay City.
Kabahin man sa mga kabangdanan nga dulaon sang siudad ang mga kiosko sa Bacolod Public Plaza kay man may natalana nga rehabilitation project sang lugar.