Sa mga litrato nga kuha ni Leah Martinez makita ang mga naga idas nga mga carabao kag kanding samtang gina guyod sang mga tag iya papanaog.
Ang iban ginkarga sa mga truck.
Ang iban napilitan nga magbaligya sang kasapatan.
Ini matapos nga gin-supend ang pagpahanugot sa mga evacuees nga magbalik sa ila tagsa ka mga lugar sa sulod sang 6 kilometer danger zone kun las sais tubtob las kwatro sang hapon.
Sa memorandum nga ginpapanog sang Regional Task Force Kanlaon, gin-estriktuhan ang pagpatuman nga dapat wala sang tawo nga ginapasulod sa 6 km danger zone kag ang suspension sang 6am-4pm nga window para maka pauli sila para magpakaon sang kasapatan ukon tatapon ang ila nga mga pananum.
Ini kasunod sang ginpagwa nga notice of increase of increased ground deformation sang phivolcs.
Isa ini abi sa mga sinyales sa posibilidad sang paglupok sang bulkan.
Luyag sang Office of the Civil Defense nga mapangapinan ang mga pumuluyo kag mapalayo sila sa delikado nga sitwasyon amo kun ngaa ginpatuman ini.