Shadow

Suspek sa pagpangawat nadakpan nga may bitbit nga toy gun, nabawi man sa iya ang kinawatan nga pusil kag alahas

Gina-alegar suspek sa pagpangawat nadakpan sang kapulisan nga may halampanganan nga pusil sa Bacolod. Nabawi sa iya pati ang pusil kag alahas nga kinawatan.

Duha ka mga separado nga kaso angut sa pagsupak sang Comprehensive Law On Firearms Ammunitions and Explosives in Relation to Comelec Gun Ban ang ipasaka batuk kay Kevin Hosain nga nakuhaan sang halampangan nga pusil kag 9mm pistol kag mga bala.

Nag-gwa sa imbestigasyon sang katapo sang Police Station 6 nga kinawatan ang lisensyado nga 9mm pistol nga na-rekober sa nadakpan nga suspek sa Barangay Taculing sang Martes sang gab-i.

Ginsiling ni Police Station 6 Commander Police Captain Rosalino Pugoy, Jr., nga nabugtawan sang tagbalay si Hosain samtang nagapangawat sa apartment kabangdanan nga madasig nga napabalo ang pulis kag katapo sang Bacolod City Mobile Force Company asta nga siya ang tigayon nga nadakpan.

Na-recover man sa suspek ang pila ka mga alahas kag kwarta nga kinawatan.

Gani dugang nga kaso sang robbery ang ipasaka batuk sa iya.

Siya ang ikaduha nga gun ban violator nga nadakpan sa siudad.

Secured By miniOrangeSecured By miniOrange