Ginsuguran na sang City Veterinary Office sang Dumaguete City ang pag confiscate sang mga karne sang baboy nga wala sang label ilabi na gikan sa Cebu bangud sang ASF scare ukon sang African Swine Fever nga na detect sa Cebu.
Sang Marso 3 sang nag issue ang probinsya sang total ban sa mga buhi nga baboy pati na produkto gikan sa Cebu bangud sang pag positibo man sang 11 sa 15 ka mga Barangay sa Carcar City.
50 ka kilo tanan sang pork products lakip na longganisa, chorizo, hotdog, siomai kag iban pa ang gin confiscate kahapon sa syudad.
Matapos gin confiscate, ini ang gin pang lubong man.
Gin pahayag man sang City Veterinary Office nga sila ang padayon nga maga libot sa mga merkado kag ila ipang confiscate ang mga karne sang baboy ilabi na ang wala label kag may manufacture date nga humalin sang Pebrero 8.