Ginpangsunog ang duha ka backhoe sang isa ka contruction company sa Sitio Bulod, Barangay Carabalan, Himamaylan City kagab-i.
Sa inisyal nga impormasyon nga nabaton sang PNP, ginsunog ang mga heavy equipment nga ginapanag-iyahan ni Engr. Kenneth Gensulin sang Brgy. Saraet, Himamaylan City.
Nagdangat sa 7.5 million pesos ang halit nga ginbilin sang pagpangsunog sa heavy quipment.
Samtang, May ara naman sang watchman on duty sang natabo ang insidente kag na estorya pa sini ang mga armado nga grupo.
Suno sa iya, nagpakilala ang mga armado nga grupo nga sila ang katapo sang NPA kag ila pagasunogon ang mga heavy equipment bangud wala nag bayad sang revolutionary tax kag gamay ang sweldohanay sang construction firm.
Padayon pa sa karon ang imbestigasyon sang kapulisan kag BFP angut sa insidente.