Mga food stalls sa Public Plaza kag Bacolod City Govt center gin inspeksyon tuga sang pagsaka sang kaso sang cholera.May report si nico delfin
Indi lang mga water refilling station, mga bomba kag bubon sa kabarangayan sa Bacolod ang gin usisa sang katapo sang Environmental and Sanitation Division sang City Health Office.
Humalin sang nagligad nga inadlaw gin inspeksyon man nila ang mga food stalls sa Bacolod Public Plaza kag mga kiosko sa Bacolod City Government Center.
Ini matapos nga may tatlo na ka mga individual ang nagka cholera sa siudad.
Sa record sang CHO may 35 pa ka suspected cholera cases nga ila ginamonitor.
Gani gilayon man nga nagpatawag sang emergency meeting si Mayor Albee Benitez agud madihon ang dugang nga mga tikang agud mapunggan ang cholera cases.
May 112 na ka mga water refilling station nga natalupangdan wala sang sanitary kag business permit gin recommend sang CHO nga mag untat sa pagbaligya sang tubig.
Nagpanugyan man sila sa mga kabarangayan bahin sa chlorination sang mga bomba kag bubon para mapasiguro nga hilway nga magamit sang pumuluyo ang tubig halin sa amo nga water sources.