Ginpaidalom sa swabbing sini nga adlaw ang isa ka katapo sang Promotion And Information Section sang Negros Occidental.
Suno kay Provincial Administrator Rayfrando Diaz, nakitaan sang sintoma ang amo nga empleyado kasubong man ang pila ka katapo sang iya nga pamilya.
Maga depende naman ang mangin masunod nga tikan sang amo nga talatapan sa resulta sang swab test. Sa karon, gin pa isolate anay ang katapo sang Promotion And Information Section sang Negros Occidental.
Suno kay Diaz, manubo ang occupancy rate sang mambukal nga naga serbe nga healing center sang mga empleyado sang kapitolyo.
Manubo man ang occupancy rate sang mga ospital bisan pa nga may pagsaka sa kadamuon sang Covid-19 cases.
Padayon man suno kay Diaz ang vaccination program kag sa karon gina pa ubos anay ang Sinovac vaccines.