Shadow

Bugas baylo bakuna ginpatigayon sa La Carlota

Ginatutukan sa karon sang siudad sang La Carlota ang kampanya sa bakuna para sa mga senior citizen.

Suno kay Mayor Rex Jalando-on, yara sa gihapon sa 50 percent sang target population sang mabakunahan nga senior citizen ang ila nga nalab-ot.

Ila gina tukib kun ano gid ang nagapanguna nga rason kun ngaa manubo ini. Para ma engganyo, naga hatag na ang siudad sang lima ka kilo nga bugas sa kada senior citizen nga naga pabakuna.

Tig lima ka kilo ayhan sa first ukon sa second dose man suno sa alkalde.

Gina pat-od sang siudad kun ano ang rason kun ngaa manubo ang vaccination rate, kun bala ini ang may kaangtanan sa vaccine brand preference ukon kun bala may kaangtanan sa kabudlayan sa pagpadulong sa vaccination sites nga sarang naman masolusyonan sang siudad.

Sa kabilugan 28 percent sa target population sang bakunahan ang nalab-ot sang La Carlota City. Suno kay Mayor Jalando-on, ini ang nagalakip sang nadapatan sang first kag second dose na.

“Amo na ang problema ko, mga 50 percent lang ang akon senior citizen, manghatag na ko gani siguro bugas sa first dose kag second dose exclusive for senior citizen, pero 50 lang gyapon percent. I hope ma increase na tyo 55 in the next few days siguro,” suno kay Jalando-on.

Secured By miniOrangeSecured By miniOrange