Natapos na ang cooling off period para sa notice of strike sang katapo sang Ceneco Union of Rational Employees ukon CURE.
Pero isa ka hearing ang ginpatigayon sa sini nga hapon sa tunga sang labor union kag tiglawas sang tagdumalahan sang Ceneco sa National Conciliation and Mediation Board.
Ginsiling ni Stefanie Montaner, presidente sang labor union sang Ceneco, kun wala sang may malab-ot nga settlement sa nagapadayon nga negosasyon nakahanda ang cure nga mag-strike sa ano man nga oras.
Ang pag untat trabaho ang gindihon sang CURE sa pagpati nga may yara sang unfair labor practice kag union busting bangud man sang kapaslawan sang ceneco management sa pagpatuman sang mga nakasugtan sa Collective Bargaining Agreement.
Nalakip diri ang dugang nga 5 percent sa bulanan nga sweldo para sa rank and file employees, allowances kag loyalty bonus.
Nanindugan naman ang management nga indi nila mapatuman ang kasugtanan bangud sandig sa advisory sang National Electrification Administration, pwede lamang ini mapatuman kun nakalab-ot sa 95 percent collection rate ang utility.
Gin-ako sang pamunuan sang Ceneco nga wala nila ini malab-ot bangud sang epekto sang pandemic.