Sa memorandum nga gin-issue ni Mayor Albee Benitez antes pa man sang iya pagbakasyon, iya na gin pahanumdom sa mga empleyado pati na sa mga job order worker nga gina dili-an ang magpatigayon sang ila mga kakilala kag mga himata para maka-proseso sang business permit kag iban pa nga requirements gikan sa siudad.
Ginsiling ni Secretary to the Mayor Jose Marty Go nga indi man abi ini malayo sa trabaho sang fixer nga amo ang masami personal nga pag proseso sang mga permits kag naga-follow-up sang requirement sa mga opisina kag city departments sa siudad.
May duha na ka mga regular employee sang siudad nga nangapangatubang sang kaso angut sa grave misconduct kag na-issuehan sang show cause order tungod gina-alegar naga serbe nga fixer sa Bacolod City Government Center.
Karon nga extended na ang pagpatigayon sang Business One-Stop Shop ukon BOSS sa BCGC indi luyag sang siudad nga mabutang sa disbentaha ang mga business applicants.