
Commission on Elections ang naga lantaw sang contingent polling centers ukon make-shift polling centers bilang sabat enkaso nga maglala ang sitwasyon sa bulkan Kanlaon.
Suno kay Provincial Elections Supervisor, Ian Lee Ananoria, sa karon gina finalize nila ang ila nga contingency plan upod sa Department of Education kasubong man sa Disaster Risk Reduction Management Office sang tagsa ka LGU.
Paathag ni Ananoria ang ila nga mangin tikang maga depende sa extent sang epekto sang sitwasyon sang bukan Kanlaon. Ang mga na identify na nga daan nga eskwelahan ang maga pabilin nga polling centers, pero kun matabo ang pagsaka sa alert level maga identify sila sang contingent polling centers ukon ang pag patigayon sang botohay sa lugar nga malapit sa evacuees.
Kun wala naman gid sang available nga eskwelahan bangud nga ini ang gina gamit sang evacuees na, kaangay sa sitwasyon karon nga yara sa alert level 3 gina lantaw nila ang pag tukod sang make shift polling centers. Ini ang ila nga iga submit para naman approval.
Damlag pa gin siling na sang COMELEC nga ang luyag sang pamunuan nga matigayon ang eleksyon sa adlaw mismo sang piniliay rason nga gina handa ang tanan ano man ang mangin sitwasyon sang bulkan Kanlaon.
“Depende sa level of eruption. Example kun gamay man lang ang evacuees, may ara kami alternative. Depende sa sitwasyon.May contingent polling centers. Pero once nga mag level 4 or 5, depende man, kay there are some cases sa level 3, ma ano na kami sang make-shift polling centers, in case nga wala na gid schools nga let’s say ang polling center ginhimo nila evacuation center, tapos wala naman kami alternative or wala na kami contingent polling center, ma makeshift polling center kami”, suno kay Ananoria.