Madasig nga nagresponde ang mga bombero gikan sa Amity Volunteer Fire Brigade kag Bacolod City Fire Station sa reported residential fire sa Villa Angela Subdivision, Barangay Villamonte sa Bacolod City, mga las 8:40 sang gab-i, Lunes, Hunyo 8.
Apang sa ila pag-abot, ila nadiskubrehan nga wala sang kalayo sa lugar, wala sang balay nga nagakasunog, kag didto na ila nahuna-huna nga ang tawag, isa gali ka prank.
Masobra pito ka mga fire trucks gikan sa Bureau of Fire Protection kag volunteer fire brigade kaangay sang Amity ang nagasinundanay nga nagkadto sa lugar.
Ang prankster, nag-gamit sang cellphone number, agud tawgan ang Amity Volunteer Fire Brigade nga may residential fire sa Villa Angela Subdivision.
Magluwas nga nakibot ang mga pumuluyo sa pag-inuwang sang mga firetrucks, nakibot man ang mga fire fighters bangud sa address nga ginhambal sang nagtawag, may nagahulat man ang anum ka food delivery riders.
Ang mga food delivery riders ang nabiktima man sang prankster nga nag-order sang mga pagkaon. Pareho ang address apang, wala sang tawo nga nagasabat sa ila tawag ukon nagabaton sang food delivery.
Bangud sang insidente, nagahangyo si Bacolod City Fire Marshal Supt. Jenny Mae Masip sa publiko nga insaktuhon ang pag-gamit sang emergency communication channels kag nagapaandam nga ang hungod nga paghimo sang false reports ang isa ka serious offense kag sarang makasuhan.
Ginsiling ni Fire Insp. Jemarie Taripu, deputy fire marshal sang Bacolod BFP, first time ini nga natabo sa Bacolod.
Suno pa kay Taripu, tuman ka dako nga hassle ang prank calls bangud magluwas nga nagaka-uyang ang mga emergency resources, sarang pa ini nga tunaan sang delay sa pag-responde inkaso nga may matu-od nga emerhensya.
“We are reminding the public na huwag mag-prank call sa amin. We take seriously ang bawat report sa amin sa BFP. We should avoid doing prank calls since di lang resources yung nasasayang but also effort at saka oras nung mga nag-reresponde doon. Just like the incident kagabi na residential yung report sa amin that’s why all units namin is andoon na sa area but it turned out na prank call lang pala. Continuous reminders lang natin sa public na ang i-report lang nila is yung mga serious or real-time incidents. If may another incident na nangyari during that prank call, it would take longer time para mag-responde yung mga fire truck namin since nandoon sila sa prank call incident,” pahayag ni Fire Inspector Taripu.*
[sibwp_form id=1]