Mayor Albee Benitez maga-usisa sa mga nagapang-komisyon sa mga ayuda pati na sa mga benepisyaryo nga nagabaton sang bulig gikan sa AKAP kag AICS.
Indi lang ang mga nagapang-komisyon sa mga benepisyaryo sang AICS kag AKAP ang ginapa-usisa ni Mayor Albee natungod sang reklamo nga nagalab-ot sa iya.
Luyag sang alkalde nga ini ang matapna. Gani lakip man sa iya luyag ma-validate ang listahan sang mga benepisyaryo kag mapat-od kun bala lehitimo sila nga magabaton sang ayuda halin sa gobyerno.
Handa siya nga magbaton sang reklamo paagi sa iya programa sa Isugid kay Mayor. Kabahin sa ginaduso sang alkalde ang pag-proseso sang pay-out paagi online agud nga mas mapahapos ang pagbaton sang mga benepisyaryo sang ayuda kag ang matapna na ang pagkuha sang komisyon sa ayuda.
Sa ginpatigayon nga pay-out sang DSWD sang nagligad nga semana nagpanawagan si Councilor Thaddy Sayson sa mga benepisyaro nga dapat kumpleto ang iya mabaton nga ayuda kag dapat wala sang buhin nga nagakadto sa mga ginapatihan fixers.