Liwat na naman nga ginhatagan sang Sanguniang Panlungsod sang Bacolod City sang tatlo ka bulan nga extension ang Asenso Market sa Barangay Alijis samtang nagapangita pa ini sang posibli nga saylohan. Ini ang mga baligyaan nga naga idas sa higad sang dalan sa boundary sang Alijis kag Taculing.
Ini matapos nga naghatag sang sulat ang Barangay Alijis nga nagahingyo sa SP nga hatagan anay sang tion samtang naga-negosyar pa sila sa Bacolod City Girl’s Home.
Tuyo sang mga Barangay nga makakuha sang lugar nga pwede nila mabaligyaan sa sulod sang amo nga pasilidad.
Ini ang ang ika-apat na nga tion nga ginhatagan sang SP sang extension ang amo nga mga baligyaan. Nagalaum man ang SP nga ini na ang pinaka-ulihi nga pabor nga ila ihatag sa Barangay Alijis.
Ginsiling ni Councilor Celia Flor, sa paghinun-anon nila sa Barangay, nagpasugiro man ang Barangay nga sa sulod sang 90 ka adlaw, makahalin na ang mga vendors sa ila ginatindugan sa karun.
“Kay actually, halin pana, dugay nana nga gapangita sila lugar nga maka public market sila kay te dako nga Barangay pero wala sila market. For example ang Sum-Ag, ang Handumanan may ara gid ya public markets of their own, ang gusto nila may ara man sila”, suno kay Flor.*
[sibwp_form id=1]