Ginalantaw na sang siudad kun ano nga mga school supplies ang posible nga mahatag sa mga Bacolodnon nga naga eskwela sa Negros Occidental High School.
Ginsiling ni Bacolod City Mayor Greg Gasataya, gina-finalize nalang sang siudad sa karun ang tanan nga mga dokumento agud mahatagan sang nagakaigo nga budget ang paghatag sang school supplies sa amo nga eskwelahan.
Ginahulat pa sang siudad ang kadamuon sang mga Bacolodnon nga naga-eskwela sa NOHS bangud tubtob pa sa katapusan sang bulan ang late enrollment period.
Indi man mahatagan sang siudad sang PE uniforms ang mga estudyante sang NOHS kaangay sa mga nahatag sini sa iban nga high schools sa siudad, bangud indi sila under sang School Division Office sang Bacolod City.
Masobra na sa 40 porsyento sa mga estudyante sa bug-os nga Bacolod ang nakabaton na sang ila school bags kag school supplies.
Ginapaabot nga matapos ang pag panghatag sa masunod nga semana.
[sibwp_form id=1]