May tatlo na ka adlaw nga wala sang kuryente ang Victorias City, EB Magalona kag bahin sang Manapla. Ang masubo mahimo nga sa masunod pa gid nga tatlo ka adlaw tigayon mabalik ang kuryente.
Paathag ni Atty John Deles ang area operations manager sang Northern Negros Electric Cooperative naigo sang kilat ang lightning arrester sang 15MVA Victorias sub station. Bangud na atransformer, rason nga nagdeperensya.
Padayon ang tikang sang Northern Negros Electric Cooperative para malubad ang problema sa power outage.
Una anay nga gin restore ang supply sang kuryente sa mga munisipyo agudto indi man ma apektuhan ang public service.
Nagkuha sang temporary nga power supply sa IPI sub station. Ugaling kay tungod nga 5 MVA lamang indi masarangan ang kinahanhlanon nga power supply sang bilog nga area nga na apektuhan sang pag ka guba sang 15MVA.
Halin pa kahapon nag pakig angut na ang NONECO sa iban nga electric cooperatives para maka renta sang sub station para mapa siga ang area of coverage nila nga apektado.
Bukas naman ang Ceneco sa pag bulig sa Noneco.
Suno kay Ceneco Acting General Manager Atty Arnel Lapore pwede ang Noneco maka tap sa ila nga sub station sa Brgy E Lopez sa Silay pero indi mangin supisyente ang supply.
Ika duha pwede sila maka hulam
Sang 15 MVA sang Ceneco. Suno kay Lapore sa sitwasyon mahimo nga tatlo tubtob apat pa ka adlaw kag mabalik ang kuryente.
Isa man sa tikang nga ginpatuman sang NONECO karon amo ang pagkuha sang linya gikan sa Silay pakadto EB Magalona para mag interconnect.