Patay ang 13 anyos nga lalaki matapos bun-on sang suspek nga teenager sa gwa sang computer shop sa Barangay Tangub sa Bacolod.
Sa imbestigasyon sang Police Station 8, gikan sa sulod sang computer shop ang biktima kag sa iya pag gwa, gilayon lang siya gin buno sang 18 anyos nga si Edmon Obregon.
Nag tinguha pa mag palagyo ang menor de edad pero gin lagas pa gid ini sang suspek kag gin buno buno sang ice pick.
Suno kay Major Joery Puerto, commander sang Police Station 8, may indi pag intyindihanay ang duha ka mga pamatan-on kag ang biktima ang gin bantayan sang suspek nga posible yara sa impluwensya sang iligal nga droga sang amo nga tion.
Kaso nga murder ang ipasaka batuk kay Obregon.