Shadow

Menor de edad patay bangud sang away sa rugby

Patay ang 17 anyos nga lalaki matapos ini gin tiro sang iya upod sang kagab-i sa atubang sang isa ka mall sa Araneta Street sa Bacolod City.

Lunsay mga rugby boy ang suspek kag biktima suno sa pulis.

Suno kay Major Joery Puerto, hepe sang Police Station 8 gin sugo sang 16 anyos nga suspek ang biktima nga mag bakal sang rugby apang sa liwat nila nga pagkitaay wala sang dala nga rugby ang biktima gani sila ang nag tapungulay.

Napierde suno kay Puerto ang suspek gani nag pauli ini kag nag kuha sang pin gun nga amo ang iya gin tiro sa menor de edad. Gindala pa sa ospital ang biktima apang gin bawian ini sang kabuhi.

At large pa sa karon ang suspek kag padayon nga ginapangita sang PNP. Ini ang ika napulo na nga shooting incident sa siudad sang Bacolod sa bulan sang Hunyo.

Secured By miniOrangeSecured By miniOrange