Nasapwan nga patay sang Martes ang isa ka mananagat sa baybayon sa Barangay Bulanon Sagay City.
Ang biktima nga si Ernesto Baynas ang nasapwan nga naga higda sa iya nga bangka sa tunga sang lawod kag patay na.
Suno sa PNP, nakita nga sunog ang pang idalom nga panapton sang biktima kag may nasunog man nga parte sang bangka.
Nagapati ang pulis nga mahimo na igu ini sang kilat nga amo ang iya ginkamatay.