Patay ang 10 anyos nga bata nga babayi matapos ini mabungguan sang truck kahapon sa Barangay Gargato sa banwa sang Hinigaran.
Pilason man ang tatlo niya ka kaupod. Sa imbestigasyon sang Hinigaran PNP, naga pamutos lang sang uga sa storage room ang apat ka mga biktima lakip na ang menor de edad sang mag rekta diri ang truck kag mabungguan ang mga biktima.
Suno sa pulis, gin hilabtan ni Jumo Potueco ang naga parking nga truck. Indi siya kabalo mag drive gani kag imbes nga mag atras, nag rekta ang canter sa storage room.
Patay bangud sang impact ang 10 anyos nga bata samtang minor injuries naman ang naagum sang tatlo ka iban pa lakip na ang isa pa gid ka menor de edad.