Nagpatigayon sang buy-bust operation ang katapo sang Escalante PNP sa Purok Nabantuan, Barangay Balintawak sa Escalante City sang Lunes.
Dakop sa operation ang 15-anyos nga lalaki, samtang nakapalagyo ang iya upod nga ginakabig high value individual, ginkilala kay alyas “Jam”, 39-anyos.
Sa tion sang operation, nagpatunga ang iloy sang menor de edad kag nagbato sa mga pulis.
Ginsiling ni Police Lt. Col. Florendo Fajardo, hepe sang Escalante PNP, ginpasiguro sang mga operatiba nga ma-exercise ang maximum tolerance apang nag-intra kag nagbato ang iloy rason nga na-pilasan ang police personnel.
Suno sa hepe, kaso nga obstruction, oral defamation kag slight physical injuries ang ipasaka nila sa iloy sang 15-anyos nga ginakabig CICL ukon Children In Conflict with the Law.
“Kani siya is pabalik-balik na gid ni siya.. repeat offender. I could not speak in behalf sa mama but ang amon lang na observe is since repeated offender to ang iya bata, parang naga-ano siya naga-tolerate, naga-konsente,” suno kay Fajardo.
[sibwp_form id=1]