Isa ka semana pagkatapos sang paglupok sang bulkan Kanlaon, ginapaabot sang Provincial Veterianry Office ang pagbatyag sang mga kasapatan.
Sa ila nga paglibot suno kay Provincial Veterinarian, Dr Placeda Lemana, ila na nga namutikan ang pagbatyag sang respiratory illness sang mga kasapatan kasubong man gastrointestinal disease.
Suno kay Lemana magapatigayon sila sang medical mission sa Brgy Biak na Bato, Mansalanao kag Cabagna-an sa La Castellana kag Ilijan sa Bago City.
Damlag pa may mga 275 na ka mga free range chicken ang gin report nagmasakit sa Ilijan lakip man pila ka baboy kag kanding.
Bisitahon man nila suno kay Lemana ang upper Cabacungan bangud may nabaton man sila nga report nga nag malasakit nga kasapatan sa amo nga lugar.
“As of subong nga aga wala pa gid may na report (nga napatay) pero damo na ang naga batyag. Gina expect namon after a week sang eruption magtuluhaw ang mga balatian sang kasapatan especially ang sa respiratory kag gastrointestinal”, suno kay Lemana.