Napulo ka mga finalist para sa Bacolod Film Festival sa Setyembre ang ginhingadlan.
Ginpakilala na kaina sang Bacolod Film Festival council ang napulo ka mga local directors nga magabaton sang tig P300,000 nga grant para sa ila mga ubra nga napili bilang finalist para sa film fest nga natalana sa Setyembre.
Kabahin sa mga short films ang ubra ni Chealsea Tasic nga A flower a Day, Laragway sa Karon ni Mary Pauline Santos, Aninaw ni Charlene Mae Tupas, Manokan Country ni Rodolfo Hinolan, Jr., Blind Date ni Juan Carlo Araullo, Puli na Diche Lesly ni WillBryan Garcia, Sa Pwesto ni Pistong ni Vincent Entuna, the Mansion ni Oscar Villanueva, Chicken Inasal ni Georgia Elardo kag Glub ni Reginal Verzosa. Kabahin lamang ini sa masobra 30 ka mga film entries nga maid-id nga napili sa bulig sang komitiba.
Nagapati si Councilor Em Ang pamuno sang Committee on History, Culture and the Arts sang konseho nga film festival ang mas magapasanyug sang film industry indi lang sa rehiyon kundi nalakip na sa pungsod.
Ang grant ang maga gikan sa Bacolod LGU kag Department of Trade and Industry kabahin sang Lungsod Lunsad Program nga nagasakdag sa mga creative industry sa pungsod.