Escalante City Mayor Melecio “Beboy” Yap ang handa nga magsabat sang show cause order kun mapapanaugan gid man siya sang department of interior and local government angut sa iya nga pagpabakuna kontra sa COVID-19.
Si Yap nga nagpabakuna sang biernes ang gindapatan sang Sinovac vaccines kag siya ang pinaka una nga opisyal sa Negros Occidental nga gindapatan sang bakuna.
Suno kay Yap handa siya nga atubangon kun ano man ang mangin resulta sang iya nga nangin desisyon nga magpabakuna.
Suno sa provincial director sang DILG nga si Roselyn Quintana, ginahulat pa sang iya nga talatapan ang report sang iya nga field officer nga nag pat od sang amo nga impormasyon.
May mga opisyal nga nagpabakuna nga ginpangayuan sang paathag.
Suno kay Yap, 150 ka dose ang ginpadala sa Vicente Gustilo District Hospital sa Escalante City. 47 lamang sa mga health care worker ang gusto nga magpabakuna kay posible basi sa brand sang bakuna kag ang iban mahimo nakulbaan suno sa iya. nagboluntaryo siya tungod nga napa gwa na ang bakuna kag yara man siya sa quick replacement list.
Nagresulta naman ini sa pagsunod sang iban nga health care worker nga magpabakuna suno sa iya.
Suno naman kay Provincial Administrator Rayfrando Diaz, ginasulit sulit nila ang pahanumdom sa pagsunod sa priority list sang doh pero wala naman sang gina siling hard and fast rule sa pagbakuna kag kun may nagakaigo man lamang nga rason para ma justify ang nangin aksyon.
Suno kay Diaz ang gobernador ang magahulat sang iya nga tion para sa pagpabakuna.