Shadow

Driver sang truck patay matapos mahulog sa kanal sang iya gin likawan ang mga naga motorsiklo nga naga pondo sa dalan kay may checkpoint

Kabankalan PNP photo

Patay ang 39 anyos nga truck driver nga si Winefred Jernalim matapos mahulog sa kanal kag mabunggo sa steel barrier kaina sang aga sa highway sang Barangay Talubangi sa siudad sang Kabankalan.

Suno kay Police Lieutenant Joemel Salarda, deputy chief sang Kabankalan PNP, samtang naga dalagan sa dalan, nadulaan sang kontrol si Jernalim sa iya nga gina maneho nga truck bangud sang mechanical trouble.

Suno kay Salarda, may mga motorsita nga yara naga standby sa kilid nga bahin sang dalan bangud ila gina likawan mag labay sa checkpoint.

Nag signal na suno sa pulis ang driver sang truck nga mag pahigad ang mga naga tindog nga mga tawo, ugaling may yara sa gihapon sang mahimo wala makakita, gin likaw na lang ni Jernalim ang iya truck agud indi ma ipit ang mga motorista.

Nabungguan pa suno sa pulis sang truck ang naga park nga pick up antes ini mahulog sa kanal kag mabunggo sa steel barrier.

Wasak ang panguna nga bahin sang truck bangud diri. Gindala pa sa ospital si Jernalim pero gindeklarar man ini nga dead on arrival.

Leave a Reply

Your email address will not be published. Required fields are marked *

Secured By miniOrangeSecured By miniOrange