Shadow

Mayor Tongson kag Vice Mayor Gatuslao nag positibo sa COVID-19

Alkalde kag bise alkalde sang siudad sang Himamaylan ang nagpositibo sa COVID-19.

Suno kay Mayor Raymund Tongson, kahapon sila nag pa swab ni Vice Mayor Justin Gatuslao kag kaina lamang nag gwa ang ila nga resulta.

Positibo sila sa virus. Suno kay Tongson nag hilanat siya sa nag ligad nga inadlaw. Si Gatuslao naman may mild symptoms.

Suno sang alkalde naka kontak si Gatuslao sa isa ka gikan sa Binalbagan nga nagpositibo sa COVID-19.

Sa karon may apat ka mga konsehal sang siiudad nga ila close contact ang nag paidalom man sa swab test.

Maga mando si Mayor Tongson sang disinfection sa city hall bisan pa sa City Health Office. May pila man ka nagpositibo sa City Health Office suno kay Tongson.

Ginapaabot nga mag work from home anay ang mga empleyado sang city hall sa masunod nga semana.

Leave a Reply

Your email address will not be published. Required fields are marked *

Secured By miniOrangeSecured By miniOrange