Shadow

Granular lockdown para sa mga close contacts sang nag positibo ginaduso

Granular lockdown sa mga ginakabig close contact sang nag positibo sa COVID-19 ang ginaduso.

Ang mga close contact sang isa ka persona nga COVID positive nga iya nasugata lima tubtob pito ka adlaw antes nag gwa ang iya nga positive result ang ginaduso nga I swab gilayon. Ang mga close contact naman nga nasugata apat ka adlaw paidalom ang dapat nga iga quarantine.

Suno kay Provincial Consultant Albee Benitez ang pag quarantine mahimo sa puluy-an ukon sa facility sang banwa ukon siudad depende sa LGU. Pagkatapos sang lima ka adlaw amo naman ang pag swab sa mga natungdan.

Suno kay Governor Eugenio Jose Lacson importante ang contact tracing sa pag panubo sang kaso sang COVID-19.

Suno kay Lacson mas maayo nga sa facility kag indi sa balay ang pag quarantine sang mga close contact para mabantayan. Pero, kun magpadayon ang pagsaka sang kaso sang COVID-19 mahimo nga mapuno ang quarantine facilities. Naga panawagan naman si Lacson sa deped nga buksan ang mga eskwelahan kun kinahanglanon ini para sa quarantine.

Suno kay Dr Ernell Tumimbang ang ginapatuman sang probinsya karon amo ang swabbing sa mga close contact pagkaligad sang lima ka adlaw nga nag gwa ang resulta sang isa ka nagpositibo.

Pero kun symptomatic ang close contact suno kay tumimbang gilayon ini nga gina swab.

Secured By miniOrangeSecured By miniOrange