Shadow

Mayor sang Valladolid nangayo sang bulig sa mayor sang Bacolod para sa halit sang bagyo

Valladolid LGU photo

Ang mga humayan kag talamnan sang kakaruton sa banwa sang Valladolid ang pila lang sa mga nahalitan sang pagbaha tuga sang Bagyo Paeng.

Suno kay Mayor Enrique Miravalles, naglab ot sa masobra P9 milyones pesos ang kahalitan nga natuga sang bagyo sa mga talamnan, kasapatan kag propiedad sa banwa.

Ang munisipyo ang nanghatag na sang masobra 1,300 ka relief packs halin sa DSWD kag kay Senator Bong Go para sa mga pamilya nga apektado sang Bagyo Paeng.

Kaina nagpadulong man si Miravalles sa opisina ni Bacolod City Mayor Albee Benitez agud maghinyo sang dugang nga bulig.

Nagapati ang alkalde nga may kapasidad si Benitez nga magbulig ilabi nga malapit ini sa presidente kag bilang chairperson sang Regional Development Council.

Secured By miniOrangeSecured By miniOrange