Cadiz City Mayor Salvador Escalante, Jr. ang ginaduso nga mangin presidente sang Negros Association of Chief Executives ukon ACE.
Si Escalante sa karon ang pinaka senior sa mga bag-o nagpungko nga alkalde matapos ang 2025 Elections.
Yara na siya sa iya last term, pero sadto pa naka serbe na siya alkalde sang Cadiz sa sulod man sang tatlo ka termino.
Wala pa man siya maka desisyon pero iya ginsiling nga mahuya man siya mag pamalibad sa mga naga duso sa iya.
Sa Biyernes magasapol ang mga alkalde sang probinsya para diri.
Mga 17 tubtob 18 sa 31 ka alkalde sa Negros Occidental suno kay Escalante ang katapo sang UNegA.
Ang nabilin katapo sang Love Negros kasubong man mga independent.
Nagapapabilin man ang coalition sang Love Negros kag UNegA.
Si Escalante ang Secretary General sang UNegA.
Si anay Victorias City Mayor kag karon Third District Congressman, Javier Miguel Benitez ang nagserbe nga presidente sang Negros ACE.
“Ako ang pinaka senior nga mayor. I’m on my last term on my second set. Ginaduso ko sang iban nga it’s about time. We will see wala pa man ko ka decide. Pero laban-laban, siguro. Mahuya man ko. (decidan pa na Mayor sang Love kag UNegA ?) may merger gihapon”, suno kay Escalante.