Cadiz City Mayor Salvador Escalante, Jr. ang bag-o karon nga presidente sang Negros Association of Chief Executives.
Ginpatigayon sang Biyernes ang General Assembly kag Election sang Negros ACE.
Suno kay Escalante, isa sa na desisyonan sang grupo amo nga dapat sila ang mag reach out sa ila nga counterpart sa Negros Oriental kag Siquijor agud nga ma maximize na ang Negros Island Region.
Isa sa gina lantaw nga ang tagsa ka probinsya maga tuga anay sang ila man nga grupo para maka tuga sang NIR ACE sa kabilugan.
Sa ini nga pamaagi mas mapabakod ang koneksyon kag pag updanay.
Para sa Negros Occidental, bukas sila sa pag share sang best practices sa tagsa ka banwa kag siudad.
Samtang, Chairman of the Board si Victorias Mayor JunB Bantug,
Secretary General si Pontevedra Mayor Jose Maria Alonso, Treasurer si San Enrique Mayor Jilson Tubillara,
Auditor si Candoni Mayor Ray Ruiz,
PIO si Himamaylan Mayor Raymund Tongson.
Board of Directors sanday:
Toboso Mayor Richard Jaojoco sang First District
Manapla Mayor Mikaela Escalante sang Second District
Victorias City Mayor JunB Bantug sang Third District
Bago City Mayor Marina Javellana-Yao sang Fourth District
Isabela Mayor Miguel Angelo Yulo sang Fifth District
Hinoba-an Mayor Daph Reliquias sang Sixth District kag
Bacolod City Mayor Greg Gasataya sang Lone District of Bacolod.
Ang Negros ACE ang na tuga sang tion ni anay Governor Joseph Maranon, para may isa ka grupo nga tingub ang tanan nga mga alkalde sa probinsya wala labot sa League of Cities kag League of Municipalities.
25 ka mga alkalde ang nagtambong sa pagtililipon.
Suno kay Escalante ang mayors sang Calatrava, Cauayan, San Carlos kag Sipalay ang nagpahibalo sa iya nga sila ang ma alang-alang bangud sang natambungan man nga event.
