Talisay City Mayor Neil Lizares upod sa pila ka mga incumbent city officials ang maga panumpa sa LAKAS-CMD. Iya min ginhingadlan ang malakip sa ila nga line-up sa 2025.
Sa interview sang media kay Lizares sa pag bukas sang 4th Himos ni Kulas Festival sa Talisay City sang Biyernes, iya ginsiling nga sila sang iya nga asawa nga si Atty Rowena nga maga papili alkalde sa 2025 bilang tal-os niya, upod sa pila ka mga incumbent offiicials ang maga upod sa LAKAS-CMD. Maga upod man ang pila ka mga bag-o nga magapapili sa partido LAKAS-CMD. Padayon pa ang ila na coordination bahin sa ila nga pag swear-in. Nag-upod man sadto si Lizares sa PDP-Laban.
Ang iya nga incumbent vice mayor nga si Nicolai Jalandoni upod sa pila ka mga incoming candidates sa idalom sang PKT ukon Partido Kusog Talisaynon ang nagpanumpa damlag pa sa Partido Federal ng Pilipinas.
Samtang, ginhingadlan ni Lizares nga yara na sa iya nga third term, ang katapo sang ila nga mangin line-up sa 2025. Mangin tandem ang iya asawa nga si Atty Rowena kag Vice Mayor Jalandoni. Ginapaabot suno kay Lizares, nga maga bunggo kay Atty Rowena, ang anay vice mayor nga si Samuel Siote sa mayoralty race. Ginapaabot mangin kaupod ni Siote bilang vice mayor si Councilor Gabriel Villacin nga damlag pa nagpanumpa man sa PFP.
Kumpleto na ang line-up nila ni Lizares kag may duha ka incumbent councilors ang yara sa line-up nga amo sanday – Gorgonio “JunJun” Treyes kag Kenn Thomas Tirthdas.
Ginapaabot ni Lizares ang suporta ni anay Congressman Francisco Benitez labi na nga may alliance man sa tunga sang Asenso 3rd district sa PKT.
“Si Cong Kiko ang amon is ang decision sang Asenso sang 3rd District kun sin-o ang gina endorse sang PKT amo na ang ginsuportahan”, suno kay Lizares.
Na surpresa man siya sa pag panumpa ni Villacin kag mga kaupod sini sa PFP, pero nagapati siya nga ang kilalahon sang PFP amo ang incumbent vice mayor nga si Jalandoni.