Sa weekend na ang highlights sang Dinagsa Festival sa siudad sang Cadiz.
Gina paabot ang pag dagsa man sang mga turista kag mga tumalambong sa kasadyahan.
Agudto nga mangin masulhay ang selebrasyon isa sa pahanumdom kag pangabay ni Mayor Salvador Escalante, Jr., sa tanan amo nga gina dumilian ang pag gamit sang water guns kag enamel paint sa Dinagsa Festival.
Kabahin sa sinadya sa Dinagsa Festival ang lamhitanay.
“First of all, come early, that will be traffic, to avoid the rush bala. See to it that you will be using
water-based nga paints kay may ara kita people who will be going around to check nga ang paints nga gina gamit water-based”, suno kay Escalante.
Ang City Health Office sang Cadiz may pila man ka pahanumdom.
Ini ang naga lakip sang kaugalingon nga tubig ilimnon.
Kun mag bakal pagkaon siguraduhon nga matinlo ang ginhalinan sini.
Magdala sang pandong para proteksyon sa ulan man ukon init, kun may gina batyag nga sakit dapat magdala sang bulong.
Boluntaryo naman karon ang pag gamit sang facemask pero ginahaylo sang CHO ang mga indi bakunado nga mag gamit sang face mask.