Alkalde sang EB Magalona Marvin Malacon ang nag himutig sang nag gwa nga mga sugilanon nga nag-inaway sila ni Abang Lingkod Partylist Representative Stephen “Caraps” Paduano kag diutayan lang nga nag tapungulay.
Suno kay Malacon fake news ini kag wala siya naga patol diri.
“Gina pa ano gid ko nila, gina pasikat. (so indi na tuod ya?) Wala ah. Pakaduha ko awayon ko. Congressman ko, awayon ko. Wala na kamatuoron. Puro na fake news coming from Bacolod city”, suno kay Malacon.
Naga gwa nga may indi sila pag intiendehanay nga duha kag pareho sila nga gusto nga mangin campaign manager ni Bacolod Mayoral Aspirant Albee Benitez. Suno kay Malacon, indi siya ang campaign manager ni Benitez kag luyag niya lang nga magbulig kay Benitez labi na nga karon si Benitez man ang naga kinahanglan sang bulig nila.
“(Pero campaign manager ka ya ni Cong Albee?) No. (It’s not also true?) Not true. I’m just there to help”, suno kay Malacon.
Wala naga sabat si Paduano as of press time, sa pag pakig-angut sa iya sang katapo sang media. Ginsiling man ni Benitez nga wala sang kamatuoran ang kasubong nga report.
“Wala gid. Indi gid ina tuod. Daw kalayo na”, suno kay Benitez.
Kun may mga tarpaulin man ang Team Asenso Bacolod nga wala na si Paduano, suno kay Benitez ini bangud nagsugod na ang kampanya sa national level gani nagakaigo lamang nga ang mga tarpaulin ni Paduano santo na sa campaign guidelines sang Comelec.