Bidding para sa PPP project sa pagpasanyog sang Bacolod Command Center natalana sa Enero 8.
Handa nga magpain sang P200M kada tuig ang Bacolod LGU para mas mapasanyog ang peace and order program, digitalization kag emergency response operation paagi sa ginatukod nga Command Center sa Barangay Taculing.
Ginsiling ni City Legal Officer Romeo Carlos Ting, Jr. sa Enero 8 gintalana ang bidding para sa ginadihon nga public private partnership program.
Ang mapili nga bidder ang maga-install sang ginatus ka mga cctv cameras sa mga strategic areas kag maga-manage sang data storage para digitalization program sang siudad sa sulod sang napulo kag tuig.
Ginpasiguro ni Ting nga ang Bacolod LGU ang magapanag-iya sang data nga sarang magamit agud mas mapadasig pa ang pagserbisyo kag pagproseso sang mga transaction paagi sa moderno nga technolohiya.