Wais si Governor Roel Degamo kag tuyo sini nga i-divert ang atensyon gikan sa Negros Island Region. Ini ang pag pati ni San Carlos City Mayor, Renato Gustilo sa gina duso sang gobernador nga pagtuga sang third province.
Luyag ni Degamo nga may isa pa gid ka probinsya nga itukod sa isla kag ini amg pagatapuan sang mga banwa kag siudad halin sa Escalante City padulong sa Vallehermoso. Tuyo sini suno sa Negros Oriental governor amo nga ma angkon ang equal footing.
“Isulod na lng na siya sa mental hospital”, suno kay Gustilo.
Suno kay Gustilo humalin pa man sang una nga pagtukod sang NIR indi na pabor si Degamo kag ang gobernador ang napilitan lang. Ang pamangkot suno kay Gustilo kun handa bala ang tanan para sa gina duso ni Degamo labi na sa bahin sang budget.
“Si Degamo is really wise to divert the attention of the creation of the NIR. Siya nag-oppose nga ma NIR kita. Liwaton ang NIR. But knowing Degamo halin sang una sang time pa ni former Governor Freddie Maranon nag-oppose gid na siya”.
May counter proposal man si Gustilo sa gobernador. Ini amo nga ang katunga sang Negros Oriental gikan naman sa Manjuyod padulong sa Escalante ang ilakip sa bag-o nga probinsya kag ang mangin Capital ang San Carlos City. Lahog ni Gustilo nga ginsiling nga siya dayon ang mangin gobernador