Isa ka sunog ang nagluntad kaina sang aga sa Villa Estefania sa Barangay Estefania sa Bacolod. Isa ka payag nga gin himo bodega amo ang nasunog.
Wala naman malab-ot ang mga naka kurong nga ido nga yara lang sa tupad sang nasunog nga bodega. Ginahibalo pa sang BFP kun ano ang gin halinan sang kalayo.
Kaina man sang aga nasunog ang isa ka elf van nga naga park lang sa sulod sang isa ka compound sa Barangay Taculing.
Suno sa BFP, wala man naga andar ang van sang natabo ang sunog gani ila pa gina hibalo kun ano ang gin tunaan sang pag kasunog sini.
Samtang, pilason naman ang isa ka Korean National matapos masunog ang iya sini gina rentahan nga apartment sa Dumaguete City Negros Oriental sang kahapon. Ang biktima amo si Wonsh Lee 47 anyos. Mismo sa kwarto ni Lee nag sugod ang kalayo suno sa BFP.