Bacolod Mayor Greg Gasataya nagsiling nga ang siudad sang Bacolod ang naga panindugan humalin pa man sadto nga ang funding sang National Government para sa Bacolod City General Hospital ang para gid man matapos ang infrastructure sang ospital.
Nag pa gwa si Gasataya sang pahayag kasunod sang interview sang katapo sang media kay Senador Juan Miguel Zubiri kun sa diin iya ginsiling nga ang dugang nga P100 million nga pondo nga iya gin-release gikan sa iya nga allocation sa idalom sang institutional amendments ang para nga mahuman na tapos ang ospital.
Suma total P500 million na ang na allocate para sa hospital project suno kay Zubiri.
Gin hambalan sang senador ang DPWH nga indi niya luyag sang isa ka overpriced nga building kag gina lauman niya nga mapatuman na ang ribbon cutting sa katapusan sini nga tuig ukon sa first quarter sang 2027.
Dugang pa ni Zubiri ang City Government na sang Bacolod kag ang Department of Health ang maga allocate para sa equipment sang ospital.
Suno kay Mayor Gasataya tigayon siya naka istorya kay Zubiri sang Martes sang gab-i kag iya ginklaro nga ang siudad naga ugyon nga dapat ang pondo sang national government gamiton para nga matapos ang building.
Buhaton sang siudad ang share sini. Ang City Government upod ang DOH ang maga hatag sang kinahanglanon nga medical equipment suno kay Gasataya.
Gina pasalamatan niya si Zubiri sa assistance nga ginhatag. Si Gasataya ang nag-author sang RA 11564 nga nagatukod sang amo nga facility upod kay Senador Zubiri sa tuyo nga mapasiguro nga ang mga Bacolodnon ang may kaugalinong sini nga ospital.
[sibwp_form id=1]