Mas manubo nga sukot sa bili sang kuryente target nga mapatuman sa bulan sang Disyembre.
Ginsiling ni Senator Juan Miguel Zubiri nga priority sang Senado ang pag patuman sang amendment sa Electric Power Industry Reform Act ukon EPIRA sa tuyo nga mapabarato ang presyo sang kuryente sa pungsod.
Suno sa senador gina lauman niya ang katumanan sini sa Disyembre para man nga may Christmas gift ang mga pumuluyo.
Gina duso sa amendment ang pag dumili sang pag charge sa mga konsumedor sang system loss lakip na ang value added tax nga gina patung diri.
Suno kay Zubiri daku ini nga bagay bahin sa discount nga mapatuman sa bili sang kuryente.
Sa State of the Nation Address ni Presidente Ferdinand Marcos, Jr., sang Lunes iya ginsiling nga tion na nga kakason ang system loss nga gina pasa sa mga konsumedor.
Iya ginduso ang gilayon nga amendment sa EPIRA kag ang pag dumili sang pag charge sang system loss kag ang VAT sini sa mga consumer.
[sibwp_form id=1]