Ginpamatukan sang mga netizens ang ginaduso sang Bacolod Transport and Traffic Management Department ukon BTTMD nga saka sa sukot sang pagkuha sang permit para sa mga running events sa Bacolod.
Ginsiling ni Bacolod City Mayor Greg Gasataya nga pabor siya sa pagpasaka sang permit fee para sa mga running events sa siudad, apang ginapamatukan niya ang 100,000 pesos nga maximum nga sukot sa pag kuha sang permit.
Sa karun, yara lamang sa 100 pesos ang ginabayad sang mga organizers agud makakuha sang permit sa siudad.
Sandig sa sulat sang BTTMD sa Sanguniang Panlungsod, isaka sa 10,000 pesos ang minimum permit fee para sa mga running events samtang 100,000 pesos naman ang masobra sa 42 kilometer nga event.
Suno sa alkalde, yara na sa SP ang desisyon, apang kinahanglan sigurohon nga eksakto lamang ang presyo sang permit nga maka benepesyo man ang siudad kag ang organizers.
Nagpangabay ang alkalde sa SP nga kun pwede i-base ang balayran sa permit sa kadamuon sang mga participants kag indi sa kalayuon sang event.
Ginapasiguro man niya ang mga nagapakigbahin sa amo sini nga mga events, nga ang permit fee ang pagagamiton man sang siudad para sa mga kinahanglanon agud masiguro ang safety sang runner sa pagpatigayon sang mga fun run kag marathon.
[sibwp_form id=1]