Dakop ang ginakabig number 1 most wanted person sang CALABARZON sa joint operation sang nagkalain-lain nga law enforcement agencies malapit sa port area sang Barangay Looc, Dumaguete City sang Biyernes.
Bitbit ang warrant of arrest sa kaso nga robbery kag carnapping, gin-aresto sang otoridad si alyas “Xi”, 34-anyos, isa ka Chinese national kag anay empleyado sang Philippine Offshore Gaming Operator ukon POGO.
Ang pagdakop sa babaye ang isa ka joint operation sang Police Regional Office-Negros Island Region, National Capital Region Police Office, Police Regional Office 4A, upod ang Presidential Anti-Organized Crime Commission (PAOCC) Task Force.
Sa karon, yara sa custody sang Dumaguete City Police Station ang akusado.
Suno sa NCRPO, tuig 2021 sang nagkunsabo ang foreign national nga kawaton ang Toyota Alphard nga salakyan, nagabalor P2.7 Million. Matapos sini, nagpangayo sang P3 Million nga ransom ang akusado para ibalik ang salakyan.
Una nga nadakpan ang babaye sa kaso nga extortion apang siya ang nakapiyansa kag nanago, suno sa pulis.
[sibwp_form id=1]