Ginhatagan na sang final notice ni Bacolod City Mayor Greg Gasataya ang contractor sang Masskara Coliseum nga Jejor’s Construction Corporation. Mandu sang alkalde nga kinahanglan na nga tapuson nila ini antes pa magsugod ang Masskara Festival sa Oktubre sini nga tuig.
Suno sa alklade, yara palang sa 74 percent ang completion sang amo nga Coliseum nga nahamtang sa duta nga gin donate sang pamilya Yanson sa Bacolod City Government sa Barangay Alijis.
Damlag pa, ginbisitahan ini sang mga tiglawas sang Philippine Sports Commission. Kon tigayon nga mahuman ini sini nga tuig, plano sang siudad nga gamiton ini bilang isa sa mnga playing venues sa paalaboton nga Batang Pinoy 2026 sa Disyembre.
Nagalaum man si Gasataya sang posibilidad nga diri na hiwaton ang masunod nga Masskara Arena Dance Competition kag ang graduation rites sang masunod nga mga batches sang Bacolod City College.
Madumduman nga masobra sa 800 million pesos ang ginpain nga pundo sang siudad para sa amo nga pasilidad. May ara ini sang 12,000 ka sitting capacity.*
[sibwp_form id=1]