Nagpila ang masobra 2,700 ka mga mangunguma sa banwa sang Hinigaran agud magkuha sang balor P2,325 nga fuel subsidy subong nga Biyernes, Mayo 15.
Ginpatigayon sang Department of Agriculture ang distribution sang Presidential Assistance for Farmers and Fisherfolks Program (PAFFP) sa covered court sang Barangay Gargato sa Hinigaran.
Sandig sa records sang banwa, yara sa 2762 ang mga farmer-beneficiaries halin sa 24 ka mga barangay sang Hinigaran.
Kalabanan sa mga nakabaton nga mangunguma ang gikan sa Barangay Calapi, Baga-as, Himaya, Anahaw, Camalobalo, Candumarao, Paticui kag Tuguis.
Ang PAFFP kabahin sang P10 Billion nga pondo para sa mga registered agricultural workers, bilang ayuda sa nagasaka nga presyo sang mga balaklon kag sa nagapadayon nga krisis bangud sang giyera sa Middle East.*
[sibwp_form id=1]