Indi man mandatory nga magpaidalum sa drug test ang isa ka public official, ginsiling ni Bacolod City Mayor Greg Gasataya nga mas manami kun sila mismo ang magpanguna sini.
Ini ang pahayag sang alkalde matapos nga gin-anunsyo sang siudad nga magasugod na sini nga bulan ang random drug testing para sa tanan nga mga empleyado sang Bacolod City Government Center, magluwas sa mga Job Order employees.
Ginsiling ni City Administrator Atty. Mark Steven Mayo nga target sang siudad nga mapaidalum sa drug test ang 50 porsyento sang mga empleyado sang tagsa ma departamento.
Ini ang sandig man sa isa ka executive order nga ginlagdaan ni Gasataya.
Sandig sa pagsulundan, kun mag positibo ang isa ka empleyado sa una nga test, ipaidalum siya liwat sa confirmatory test. Kun liwat naman ini nga magpositibo, sarang siya mag hingyo nga mag pa-test liwat, apang ang empleyado na mismo mag bayad sini.
Kutob sa magpositibo ang ipaidalum sa rehabilitation kag sarang man ini makabalik sa serbisyo kun matapos na ang rehabilitation period.
Yara naman sa desisyon ni Vice Mayor Kalaw Puentenvella kun ipaidalum man sa drug test ang mga konsehal sang siudad.
Ginsiling ni Gasataya nga mas maayo kon ang mga elected officials ang magpanguna nga magpatest, bilang transparency.
Dugang niya, madugay na niya ini gina-ubra. Antes siya nagpungko bilang alkalde, boluntaryo man siya nga nagpa drug test.
[sibwp_form id=1]